Sybren Hellinga Kunstprijs

De sânde Sybren Hellinga Keunstpriis is op sneon 29 oktober útrikt oan Milena Naef (1991, DE). De Sybren Hellinga Kunstprijs bestiet út in bedrach fan € 3000,- en is ornearre as oantrún foar begjinnende keunstners. De priis hat syn namme te tankjen oan de âld-galeryhâlder Sybren Hellinga en wurdt om ’e trije jier organisearre troch Keunsthûs SYB.

Fan ’t jier stalde de sjuery – besteande út Bianca Stigter, Jaring Dürst Britt en Riet Wijnen – in shortlist gear fan fiif keunstners. De eksposysje fan de nominearren wie de hiele moanne oktober yn Keunsthûs SYB te besjen.

Út it sjueryrapport:

“In oerienkomst tusken de praktiken fan de nominearren is de rol fan it fertellen fan ferhalen: lineêr, fragmintearre, yn tekst of yn ’e foarm fan props, objekten en fideo’s. Materiaal spilet in wichtige rol: it útstalde wurk is faak taktyl, it freget suver om oanrekke te wurden. In tredde oerienkomst dy’t ús opfoel is ynteraktiviteit: in protte wurk moat op ien of oare wize aktivearre wurde, troch de keunstner, troch troch har útsochte meiwurkers, of troch it publyk.